An o 10-to IRU Kongreso trujal so sikavas jekhipa akava si šukar šajdipa te kerel pe opservacia jekhe Rezoluciake so ka vazdel o rejtingo thaj o respekto maškar o Roma thaj naRoma, thaj ka kerel pe majhor demokratia thaj IRU legitimiteto. Ko Kongreso maškar aver nukte si o plan vaš implementacia e elektronsko internet votiba so trubul oleskiri implementacia an io avutno IRU Kongreso so trubul te ovel ko 2020 berš.
Nevo prezidento an o IRU si alusardo tari Makedonia o Zoran Dimov. Oleskere viceprezidentia si o delegatia Jasmina Ahemtaj tari Slovenia thaj Aguš Demirovski tari Švajcaria, Ajten Beranta tari Finska thaj Gerard Linder tari Polska. Generalno sekretari an o IRU sar kasiero si o Veli Husein tari Kroacia. Prezidento an o IRU Parlamento si o Stevo Radul Balog tari Austria, viceprezidentia an o IRU Parlamenti sdi i Angelica Maštakova - Italia thaj Stefan Kuzichov - Švedska.- Details
O Unime Nacie ko avutno masek ka kerel verifikacia bašo membripa e Internacionalno Romani Unia - IRU thaj so ka del pe lenge o ECOSOS numero
Akava kerel validnost kote o IRU ka iranel pe an o UN thaj si importantno elementi taro reanimacia taro IRU palo ikerdo 10-to Kongreso an o 2016 berš kote sine dendo sar prioritetno plano.
Ko nakhlo periodo but berša napalala kana o IRU an o 1979 berš sine membro an o UN numa nekobor berša palo odova našavgja odova statusi an o UN.
- Details
Respektirime delegatora thaj IRU membrora
Phraljalen thaj Phenjalen!
Ačhola man sar IRU Presidento baro hošipa te informirinav tumen thaj te hulavava akaja importanto sar amenge sar IRU informacia
Ko korkoro starto taro amaro savorengoro aktiviteto taro IRU Kongreso an o mart 2016 berš an o Skopje thaj o zori thaj regulacia an o savale e buteder internacionalno institucie thaj fondacie sar an i Europa agjaar thaj an i lumia numa pohari resaja amari mangin.
Jekh taro amare dende aktivitetia thaj kotor taro Plano thaj strategia an o IRU sine thaj regulacia an o funkcioniriba e IRU-ske ko aktivitetia an i EVZ Fondacia an o Berlino, R.Germania.
- Details
O nekobor beršengoro nahaljovipa taro duj riga taro IRU- jekhe rigatar IRU -Viena kaskoro presidento si o Zoran Dimov, thaj IRU-Latvia kote si presidento o Nortmund Rudevic si čhivdo agor.
Ano pervazia anglutne aktivitetenge thaj abruštipa so sine ikerdo na o 23 januari 2018 berš an o Berlino - Germania ko ofiso taro EVZ Fondacia sine kerdo mitingo maškar o duj Riga. An o odova mitingo
trujal o IRU presidentia Dimov thaj Rudevic than lele o Ivan Bariev tari Rusia, Gruja Bumbu Romania, Vasilia Dragoi Moldavia, Roman Čonjanski Polska, thaj o duj advokatia Dr Frank Repenhagen tari Germania thaj Bari Fiđer USA.
- Details
Avgo drom an i historia e Romane tradicionalno Krisoske an o 13 Oktomvri 2017 bersh an o Beograd sine promovirime o Kodekso vash aktiviteto e Krisoske.
Akava sikavela majzorali buti e membrenge taro Romano Tradicionalno Kriso te lel i savala taro saste profesionalni aktiviteto so si sherutno prioriteto e Romane Krisarenge. Akava sikavel majzorali pativ thaj respekto mujal olende.
O Kodeksi sine promovirime thaj notirime anglal o IRU delegatia an o Sava Centar - Beograd ko vakti e Parlamentarno IRU mitingoske an o 13.10.2017 bersh. O Kodekso drabargja thaj Promoviringja ole o Shefi e Romane Krisoske o Gregor Julson tari Swedia.
- Details
Ki trampa e neve sakhedipaske an o Presidiumi na o IRU kote an o čekat berš tekvaš si o Zoran Dimov thaj leiba than an i Asamblea taro ERTF an o Strazbur zojrakerela piri statusi sar majpurani, majbari thaj majrespektabilno lumiakiri romani organizacia kote an o agorutno dive taro mitingo sine andi decizia te kerel pe jekh Exesutivno Komiteto an o ERTF kote ka ovel jekh taro importantno fundamento an o Europakoro Konsilo ko Strazbur ko daisali ano romane pučiba, anticiganizmo thaj i emigracia.
Akalea direkno o ERTF thaj sa olakere membria organizacie ka den importantnluko kaj o IRU si aktivno, transparentno thaj zorale kerela buti ko sa o pučiba kana si o Roma.
Maškar o ave akava Komiteto kote trujal oleste si o presidento an o ERTF i Miranda Vuolsantra thaj o IRU Presidento Zoran Dimov, si panda o Ašmet Elezovski taro NRC . Lars Demetri deputati taro partia PCER , Samka Ibraimovski, o Rutko Kawchinski thaj avera.