Anglutne nahaljovipa thaj naakcepcia an o IRU thaj hulavde interesia thaj o čučo than an o Bordo tari EVZ Fondacia barabutne koordinaciaja thaj sasto angažmano savore membrora thaj delegatora an o IRU prekal komunikacia thaj diskusia si man hošipa te informirinav tumen kote odova akti si sukcesiale finiširime so anela salde lačhipa e Romane naciake.

An o 23.01.2018 berš ka khuvel an o analia e historiake an o IRU sar jekh lačho thaj pozitivno egzamplo , kote aso dialog thaj pača šaj te faisalkeren pe but problemia thaj nahaljovipa.

An o kava mitingo an o Ofiso an o EVZ Fondacia an o Berlino sine o duj riga. An o odova mitingothan lele amen sar IRU thaj me sar presidento Zoran Dimov, Roman Čojanski, Polska, thaj amaro advokato Frank Repenhagen , Germania, a aver rigatar sine o IRU -Latvia e membrea Presidento Nortmund Rudevich, Gruja Bumbu, Romania, Ivan Bariev, Rusia, Vasili Dragoi , Moldavia, thaj o advokarti taro USA Bari Fušer, kote sine thaj duj membria uče tari  EVZ Fondacia o Direktoro Dr Andreas Eberhart thaj o šefo e Bordoske o Dr Herald Braun.

 Reslem historikano kontrakto thaj akcepcia e čuče thaneske an o Bordo an i EVZ Fondacia thaj membro taro IRU kote siem sine notirime me o Zoran Dimov mandatoa taro 1 berš.

Akava si baro sukceso e duj IRU-enge thaj barabutni viktoria . Importantno si so od akana o duj IRU-a ka keren buti sar jekh unime IRUvash barabutno intereso a majbut an o intereso sa e Romenge.

Ko jekh isi signatura an o jekh Memorandumo kote sar resarin si an o avutno Kongreso taro IRU an o London ko 2019 berš ka ovel jekh barabutno kandidato vash sa o pozicie taro IRU Presidiumo.

Akava si jekh baro sukceso sa e membronge thaj delegatora so reslja pe akava kompromiso.

Akana trubul savore te ova bare takatea thaj majzoraleste te sikava i romani vota kote ka ovel špajdipa.

Savore džanena kote aver akti thaj majzoraleste teresa sukceso te resa lungo vakti a odova si i registracia taro ECOSOC numero an o UN an o Njujork so ka ovel sar jekh piedestalo ko džiakanutno amaro angažmano vash sa o delegatia thaj membria an o IRU.

Savore amange si pendžardi i IRU parola - Barabutne siem majzorale - O IRU si jekh - savore siem IRU!

Bahtasa

Zoran Dimov

IRU Presidento