Details

I nalegalno thaj navalidno IRU 71  thaj olakoro legarutno Dorin Čoaba thaj o membria palem si an o tapet taro Tradicionalno Romano IRU Kriso . Akava si soske an o 20 thaj 21 aprilo akava berš an o Sibiu , Romania kerde navalidno 11-to Kongreso

Pendžaripaja savo si manuš so ko sako forma kamel te ovel "an o centro e samake" thaj oleskere apetitia te sikavel pe maškar o čorole Roma an i Romania sar olengoro "thagar - lideri" dengja pe godi persi masek paraštuj thaj savato  an o 20 thaj 21 aprilo te kerel navalidno taro IRU 71 anavkerdo sar 11-to Kongreso!.

Te na khuvel ko majbaro harči ov taro oleskoro familiarno budžeto i lokacia kote ikerfjja o Kongreso  si ko leskoro trujalipa an obSibiu ki lokalno khangiri kote si ov em pastoro".

Details

Aso o plano thaj dinamika an o aktivitetoa o IRU piri jekhto parlamentarno sesia bašo 2018 berš ka ikerel la taro 25-27 maj an i Pula, Croatia.

Ko vakti e Parlamentarno sesiake trujalo IRU delegatia taro 25 thema, so aso i agenda ka diskutirinen aso i situacia an o pire thema e Romencar ka keren pe diskusie bašo andrune interesia an o IRU  an o buteder segmentia.

Ko jekh importantno si te akcentirinel pe kote an i akaja Patlamentarno IRU sesia poro than sar misafiria ka len pobuter govermenteskere thaj institucionalno membria tari Croacia  sar so si o vicepresidento e Croaciakere Govermenteske Furio Radin, Alen Tahir , taro Ofiso manušikane niamenge thaj nacionalno minjoriteto ani Croacia, Saborsko membro e Romenge Veljko kajtazo, dizjakoro šerutno e dizjake Pula  thaj aver membria taro Romano NGO thaj biznis sektori.

Details

Ikeribaja o Jekhto Lumiakoro Kongreso an o 1971 berš ko Opringon - London (Britania) kote kotorvale sine finansirime taro Lumiakoro Konsilo taro khangira thaj o Governo taro India, sine starti taro funkcioniripa e Internacionalno Romane Uniake - IRU.

Ki odoja čipota than lele 23 delegatora taro 9 thema teganutni (Čehoslovakia, Finska Norvegia, Francia, Bari Britania, Germania, Ungaria, Irska, Špania thaj Jugoslavia)  thaj sar opservatoria tari Belgia, Kanada, India thaj USA.

Ko adav Jekhto Kongreso taro IRU sine formirime thaj Komisia thaj telikomisia so ka oven aktivno an i Sociala, Edukacia, Soldatongere teroria, čhib thaj kultura.

Details

Respektirime Roma thaj amalalen

Avdive kana notirina 47 berša taro fundiriba vash o Romano identiteto an o internacionalno nivelo a ko jekh oficialno notacia e romane flagoske, himna, kamav te prezentirinav miri percepcia a ko jekh thaj i percepcia taro IRU so si fundamento organizacia , inicijatori thaj šerutno protagonisti an i notacia akale importantno diveseske e Romane naciake an i sasti lumia, kote buteder aver romane organizacie , intelektualcia , romane politikane subjektoa mangipaja jali ingnoratno te eliminirinel o fakti vash o realiteto amare organizaciake i Internacionalno Romani Unia - IRU.

Details

I Internacionalno Konferencia e Romane džuvljake , IRU - Džuvljano lobi an o Stokholm , Švedia ikergja pe an o 22 Mart akava berš. Oj ikergja pe an o Scandic Gotel - Tjobi .

Kerel pe aktiviteto te vazdel pe o Romano džuvljakoro pučiba an o Pervazia e IRU-ske thaj buvleste.

An o pervazia pire aktiviteteske pire diskusie thaj organizaciakiri šema an o IRU Džuvljano lobi . Odothe than lele: Rosita Gronfors, Ann-Margrethe Livh, Miranda Vuolasranta , Sissela Nordling Blanco, Angelina DimiterTaikon, Diana Nyman, Mia Taikon, Sunita Memetovic, Barvul Sonja, Kristinela, Domino Kai thaj avera.