An i gind siem te dav jekh fundavno pučiba:

Buteder fondacie, organizacie thaj institucie den programo thaj proektia vash lačhariba e situaciake e Romenge an o sa o niveloa, isi pučiba kobor kvalitetno, konstruktivnothaj transparentno keren aktiviteto an o odola umalja tari rig e implementatoria an o odola proektno aktiviteto. Ko jekh del pe pučiba save rezultatencar thaj efektia šaj te sikavenb odola realizatoria akale proektno aktivitettenge.

An o odoja "monotonia" taro aktivizmi thaj sqa o internacionalno, nacionalno thaj lokalno niveloa e romane organizacienge , so pire promociencar anglal o donatoria thaj avert themakere institucie sikaven pa e sar "jekhutne" čačutne thaj majbare romane akreditivia" Sako sikavel pe sar lideria e romane aktivizmoske, keren devalvacia aver čačutne aktivistia e romane niamenge, organizirinena kongresia, mitingia, sikavgje baro numero ande deklaracia, decizie, thaj aver manifestacie kaj si len suporto taro olengoro virtuelno membria , thaj palo tikno vakti jekhutne "našavgjovena" за ромските права, ќе taro viziria taro romano aktivizmi, odolea so resle piri personalno resarin, lende lovencar vash olengoro personalno progito upral o dumo e Romengoro, thaj odolea sikaven čačutno kapaciteto, legitimiteto thaj patriotizmi.

Trubul te džanel pe kaj o institucie arakhen pe andrune thaj avrutne motivia an i implementacia an o olengere opservacie . Trujal akava udžaren pe bare rezultatia , numa o šajdipa si limitirime. Okova so kama te kera si te da suporto an o institucie, prekal zojrakeriba olengere kapacitetia, regionalno konekcia, thaj trampa an o džanlipa so is an o europakoro nivelo ki paralela e Romane integracijaja.

Trubul te del pe suporto akale procesoske, thaj te ovel amen čačutno mangipa thaj kolaboracia .

Deiba asavke motivacie thaj nukte numa trubul te puča amen savore amen korkoro, sar dživdinena, save problemencar arakhena pe an o sakodivesa sa amre phralja thaj phenjako sako meridiani an i lumia.

Save brutalitetia thaj represie arakhenper o Roma sar an i Europa, agjaar thaj an i North thaj South Amerika, thaj sar sasto egzamplo si ko sikavgja interes e Romenge thaj olengere problemia an o krizno regionia sar so si o Roma migrantia tari Siria, Irak, Avganistan thaj o pharo Balkani. Ko kergja akcie te dikhel odoja situacia?

Trubul te vakerel pe kote trujal i doš so si ko internavionalno organizacie, majbari si amende korkoro Roma. Na kergjem baro aktiviteti te vazdao nivelo akale pučopaske ko majučo prioriteto.

Odoleske mire respektirime phrala thaj phenja, respektirime amala e Romenge intelektualcia, romane aktivistia so keren buti vash romano pučipa thaj politike, trubul te la akcie thaj te ove majbut phravde thaj transparentno , a na numa te sikava baripe kaj siem Roma an o akala divesa, te čhiva lulugjam te intonirina i himna thaj te sikava pativ thaj emocianolno mesažia. Vrama si vash majbare thaj konkretno akcie konektiriba loli roš taro alarmo.

Te čhinava amare ilustrativno mesažoa "Ko si o majbaro Rom" numa te da konkretno amaro propozalo an i eliminacia taro sa o stereotipia so arakhel pe o chidimo Romani manuš.

Dikhibaja o realitetno situacia e Romenge an o internacionalno, nacionalno thaj lokalno nivelo, trubul te džana kote vash o 8-to Aprilo savore trubul te sikava akcia vash majlačhi sistuacia thaj eliminacia e bilačhipaske. Numa odoleske trubul, akcie, ande dekretia, rezolucie, protestno maršia thaj reakcie, a na te kera buteder manifestacie, koncertia, gala mitingoa thaj koktelia.

Lačhe si kana sikavel pe i Romani kulturam identiteto, numa trubul thaj majbaro aktiviteto te faisalkera e sakodiveseskere problemia thaj te arakhel pe ikljojbe taro odola situacie.

O 8-to Aprilia avel thaj ka nakhel, thaj ka nakhen panda buteder 8-to Aprilia numa kaj sem amen odothe ?

Amenge trubul 365 "8-to April" an o berš, te šaj te ovel desavi akcia.

Ov saste thaj o Devel te oveč amencar.

Respektoa

Zoran Dimov

IRU Presidento