Sar so sine notirime anglutne kaj i Internacionalno Romani Unia  -IRU kote presidento si o Zoran Dimov , reslja ECOSOC asociativno statusi an o Unime Nacie.

Te šaj majodorig te džal o aktiviteto taro IRU thaj i kolaboracia e UN-ea thaj o ofisoa an o Njujork, Ženeva thaj Viena , o IRU putrela pire ofisoa an o dizja so si ekipirime membroncar taro IRU so ka len than an o aktivitetoa thaj mitingoa an o UN.

Akava vikendi taro 01 - 03 septembro an o Helsinborg, Švedska  ikergja pe i ničali Parlamentarno IRU sesia. Than lele 45 IRU membria taro 26 thema ko jekhto Parlamentarno IRU sesia startujngja intonacijaja tari Švediakiri thaj Romani himna.

Dengja pe thaj jekh minutakoro respekto mujal sa okola Roma so našavgje piro dživdipa  thaj tari rig e hristiansko thaj katolikane pastoria thaj muslimansko persone dengje dove vash sukcesiali buti thaj progreso an i buti.

Sar jekh taro akcentirime aktivitetia taro IRU kodujto kotor taro 2018 berš thaj sar mičalo paralemntarno sesia taro IRU delegatia . Akava drom i dujto parlamentarno sesia an o 2018 berš ka ovel taro 1 dži ko 3 septemvri kava berš , an i Švedska - Helsinborg.

Akava drom i organizacia te ikerel pe akaja Parlamentarno sesia leja o aktuelno vicepresidento an o IRU parlamento o Stefano Kuzichov.

Suzana Kim WCC: - Šaj li te den hari ilustracia e historiake maškar o IRU thaj WCC ko thavdipa taro 1970- to berša?
Zoran Dimov IRU Presidento: Importantno akaj abrabutni kolaboracia maškar o IRU thaj WCC Ženeva si faktea kote angleder buteder droma dengje baro suporto ko buvljaripa thaj aktiviteto e Romenge sar manuša, nacia.

Taro 19 dži ko 21 avgusto pali akahrin tari Lumiakoro Konsilo Khangirengoro WWC kaskoro ofiso si an i Ženeva sine dikhiba e membroncar tari Internacionalno Romani Unia -IRU thaj uče funkcioneria taro WWC.

I IRU delegacia sine legardi taro IRU Presidento Zoran Dimov thaj o Lars Demeter tari Švedska thaj Tomas Acton em o Martin Burell tari Britania.