Palo resipa ESOCOC statuso taro IRU an o UN thaj an o pervazia e majodorigutne kolaboracia thaj aktiviteto , mitingo uče funkcionerencar taro UN sine e IRU presidento Zoran Dimov . O mitingo sine kerdo an o UN Ofiso an i Viena.

Ola kergje diskusia an i tema situacia e Romencar so si kotor an i strategia an o UN . O Zoran Dimov zapendžargja len bašo o drumo te arakhen pe majučo nivelo o Romano pučiba an o globalno nivelo. Ko vakti taro mitingo an o UN- Viena ov zapendžargja olen thaj paralelno bašo aktivitetoa so legaren thaj o duj aver IRU Ofisoa bašo UN an o Njujork thaj Ženeva.

Angleder te ovel akana sig ikerdi Konferencia e Lumiakere khangirenge , an o Vatikan bičhavgje akaharin o IRU te lel thaj pire membroa.

O IRU ko piro agorutno Parlamentarno mitingo an o Helsinborg , Švedska sar IRU membro sine notirime o Šefo e IRU Komisiake baši religia thaj konekcia o rajo Lars Demeter.

O Lars Demeter informiringja kote an i odoja konferencia lele than upreder 350 membria tari sasti lumia. O teme tari diskusia sine diferentno saikerina.

Sar so sine notirime anglutne kaj i Internacionalno Romani Unia  -IRU kote presidento si o Zoran Dimov , reslja ECOSOC asociativno statusi an o Unime Nacie.

Te šaj majodorig te džal o aktiviteto taro IRU thaj i kolaboracia e UN-ea thaj o ofisoa an o Njujork, Ženeva thaj Viena , o IRU putrela pire ofisoa an o dizja so si ekipirime membroncar taro IRU so ka len than an o aktivitetoa thaj mitingoa an o UN.

Akava vikendi taro 01 - 03 septembro an o Helsinborg, Švedska  ikergja pe i ničali Parlamentarno IRU sesia. Than lele 45 IRU membria taro 26 thema ko jekhto Parlamentarno IRU sesia startujngja intonacijaja tari Švediakiri thaj Romani himna.

Dengja pe thaj jekh minutakoro respekto mujal sa okola Roma so našavgje piro dživdipa  thaj tari rig e hristiansko thaj katolikane pastoria thaj muslimansko persone dengje dove vash sukcesiali buti thaj progreso an i buti.

Sar jekh taro akcentirime aktivitetia taro IRU kodujto kotor taro 2018 berš thaj sar mičalo paralemntarno sesia taro IRU delegatia . Akava drom i dujto parlamentarno sesia an o 2018 berš ka ovel taro 1 dži ko 3 septemvri kava berš , an i Švedska - Helsinborg.

Akava drom i organizacia te ikerel pe akaja Parlamentarno sesia leja o aktuelno vicepresidento an o IRU parlamento o Stefano Kuzichov.