O Alusar e Aleksander Van der Belen sar presidento an i Austria sikavgja pe sar lačho okolenge so rodena majbari tolerancia aso o migrantia. Oleskiri viktoria ali lokhibaja e membronge an i EU lideria an i sasti Europa.

O Van der Belen si eks Presidento taro Grune Partia so del suporto an o gars ruth proektia so den suporto e migrantenge konektiribaa thaj e Romen Akava liberalno akti sine dendo thaj rigatar taro IRU.

Delegacia taro IRU legardi taro IRU Presidento o Zoran Dimov, taro erati si ko bukajrno mitingo membrencar taro buteder kancelarie so keren buti an i EU thaj EK an o Brisel thaj si an o aktiviteti e Romane problememcar.

Ko thavdipa taro trin divesengoro mitingo o Zoran Dimov thaj o delegacia taro IRU kote si o Šefi e sa Komisenge an o IRU i Rosita Gronfors, o šefi e nkomisiake baši edukacia thaj čhib Ajten Berafla, o Presidento an o IRU Parlamento Stevo Radul Balog, o Šefi e Komisiake an o IRU bašo finasie, Khuram Khan , thaj IRU delegatia taro Brisel thaj logistika o Imer Kajtazi thaj o Safet Ajvazi.

Ko 27 oktomvri akava berš an o Brisel ikergja pe finalno konferencia organizirimi tari EK. Ki akaja konferencia plo than lelja taro o IRU delgato tari Belgia o Imer kajtazi  ko jekh si presidento an i Romano NGO "Romano Dživdipa" thaj Romano Kulturakoro Ventro. Aso oleste prekal o dendo raporto plo than lele uče membria an i EL, NGO sektori, volonteria, lojkalno thaj nacionalno institucie so kerne buti an o proekto si si finasirime tari Europakiri Komisia.

Ko18-to oktomvri  an i jekh lokalno cafe piceria an i čehiakiri diz Žatec sine brutalno mardo thaj mudrado 27 beršengoro Roma tari diz Žatec. O džiakanutne informacie thaj but na lende aktia ko rodaripa akale čipotake. O IRU thaj o presidento Zoran Dimov bičhavgja lil - reakcia dži ki Ambasada e Čehiakere Republikake an o Skopje.

Konferencia so si legardi vash aktivnostia thaj i rolja e Terne Romane kapaciteteske an o pervazia ko butikeriba an i EU thaj avri olatar.

Maškar o aver patricipientia an i akaja konferencia plo thaj lelja thaj o IRU ple membrencar. Ko jekh than lelja taro o IRU Presidento o Zoran Dimov, kote trujal odova sine le dikhiba thaj kontaktuia thaj trampa an o resel momentia. Ko thavdipa e konferenciake o Zoran Dimov sine le dikhiba e : Stanislav Štek - Ministeri ternenge thaj soprti an i Čehia, Zorko Škvor - Slovakiakoro ministeri terne thaj edukacia, Jan Rihter - Slovakiakoro ministeri vash sociala, Lina Papamihailopoulou taro Ofiso vash Jurisdikcia an i Eiropakiri Komisia thaj o Valeri Nikolau - membro taro Generalno skeretariajto e Romene an o Europakoro Konsilo.