An o detalno individualno raporto sako šefi jali vice šefo e strategiake akcentiringja i inicijativa so trubul sako olendar te kerel.

 O Gregor Lursin sar raporto dengja vakerin an i buti e Programake e Tradicionalno Romane Kriseske an o IRU. Mašjar o aver akcentiringja kaj trubul te ovel le konekcia e Komisiaja vash Jurisdikcia so legarel o Guš Demirovski.

O Aguš Demirovski sar šefo e Komisiake vash Jurisdikcia trujal o javer an i pli Strategia promoviringja o kotor kote ka kerel anavjeriba Romano Obmdusmano 

O Ramuš Muarem , šefo an i Komisia vash Media thaj komunikacia prezentiringja i programa thaj importantno momento i forma vash komunikacia thaj mediumsko kampanja so trubul te ovel kerdi e IRU-ske.

I Monika Čorović ko anav e šefeske vash i Komisia bašo Intervencie o Stevan Radul Balog kergja prezentacia e strategiake so akcentiringja kaj trubul koordinacia e membrencar taro IRU sakote an i lumia sebepi o senzibiliteto akale Komisiake thaj olakoro mobilno aktiviteto.

I Jasmina Ahmetaj prezentiringja i strategia vash Kultur thaj kergja tikno raporto so ka kerel akaja startegia an o periodo so avela.

O Pien o Reahtigan tari Komisia vash Manušikane Hakoa ki pli vakerin potenciringja o punktia so ka kaerel buti i Komisia kote aso o athinalipa e situaciake ki akaja startegia te šaj dopherel pe thaj tamikerel pe.

I Ajten Berafla sra šefo e Komisiake vash edukacia notiringja o segmentio an o akava momento thaj trubul majbaro angažmano koordinacia e IRUa thaj te šaj i Komisia resel majlačhe rezultatia.

O gerard Linder sar šefo an i Komisia vash o terne thaj sporto astargja sa o nukte so si konetkirime an o aktiviteto thaj vakergja te iranel pe majbari sama e sporteske sar ko internacionalno agjaar thaj an o nacionalno thaj lokalno nivelo .

O Khuram Kham an i Komisia vash Finansie thaj Budžeto prezentiringja i Strategia sar thaj o plania ki savi forma o IRU an o avutnipa te ovel majstabilno sar finansiski thaj ekonomsko organizacia.

O Grattan Puxon ki pli Programa vash i DT notiringja o trin faze vash majlačhi implementacia thaj realizacia e aktivitetenge an i DT.

Plo sublimato thaj opservacia dengja o Šefo sa e Komisienge i Rosita Grofson ko jekh i prezentacia e Programake taro Romane džuvlja thaj piro dikhiba thaj dopheriba denda o IRU Presidento thaj sar Šefo e Komisiake vash Holokasuto o Zoran Dimov.

An o agor akale Video konferenciake dengje konkluzia kote asavki forma an i komunikacia thaj mitingoa si but efikasno  so šaj resel pe sa okova so si notirime thaj akaja komunikacia maškar o IRU membria sxsi but ekonomikane majefektno.

 Ko agor an i andi konkluzia an i Video Konferencia so ka ikerle pe majpakjavutne ko 

11 .09.2016 - Kurko - Nedela ka diskutirinel pe e Šefencar taro Komisie bašo ikeriba mitingo  an o Stokholm Švedska majpakjavutne ko 29 thaj 30 septemvri ko 2016 berš.

I video konferencia sine phanli paše ko 14 o časo.