Ikeribaja o Jekhto Lumiakoro Kongreso an o 1971 berš ko Opringon - London (Britania) kote kotorvale sine finansirime taro Lumiakoro Konsilo taro khangira thaj o Governo taro India, sine starti taro funkcioniripa e Internacionalno Romane Uniake - IRU. Ki odoja čipota than lele 23 delegatora taro 9 thema teganutni (Čehoslovakia, Finska Norvegia, Francia, Bari Britania, Germania, Ungaria, Irska, Špania thaj Jugoslavia)  thaj sar opservatoria tari Belgia, Kanada, India thaj USA.

Ko adav Jekhto Kongreso taro IRU sine formirime thaj Komisia thaj telikomisia so ka oven aktivno an i Sociala, Edukacia, Soldatongere teroria, čhib thaj kultura.

An o Kongreso sine andi decizia o romano flago te ovel prekal i forma so si ando ko formiripa e Romane asociaciake an i Romania ko 1933 berš, kote i funda si duj koloria vnato thaj hariale thaj loli 16 rigakiri čakra - rota so ka ovel romano nacionalno simbolo, thaj ko jekh i gili „  Gelem, Gelem „ sine akreditirimi sar romani himna. Taro butipa sine andi decizia thaj deklaracia te istemalkerel pe i forma Roma sar trampa tari dži teganutni forma e lafeske "Cigan". Sar rezultato dži teganutni Internacionalno Cigansko Komiteto so si fundirime an o 1965 berš te ovel preformulirime ko Lumiakoro  Romano Komiteto.