An o 10-to IRU Kongreso trujal so sikavas jekhipa akava si šukar šajdipa te kerel pe opservacia jekhe Rezoluciake so ka vazdel o rejtingo thaj o respekto maškar o Roma thaj naRoma, thaj ka kerel pe majhor demokratia thaj IRU legitimiteto. Ko Kongreso maškar aver nukte si o plan vaš implementacia e elektronsko internet votiba so trubul oleskiri implementacia an io avutno IRU Kongreso so trubul te ovel ko 2020 berš.
Nevo prezidento an o IRU si alusardo tari Makedonia o Zoran Dimov. Oleskere viceprezidentia si o delegatia Jasmina Ahemtaj tari Slovenia thaj Aguš Demirovski tari Švajcaria, Ajten Beranta tari Finska thaj Gerard Linder tari Polska. Generalno sekretari an o IRU sar kasiero si o Veli Husein tari Kroacia. Prezidento an o IRU Parlamento si o Stevo Radul Balog tari Austria, viceprezidentia an o IRU Parlamenti sdi i Angelica Maštakova - Italia thaj Stefan Kuzichov - Švedska.- Details
Aso o plano thaj dinamika an o aktivitetoa o IRU piri jekhto parlamentarno sesia bašo 2018 berš ka ikerel la taro 25-27 maj an i Pula, Croatia.
Ko vakti e Parlamentarno sesiake trujalo IRU delegatia taro 25 thema, so aso i agenda ka diskutirinen aso i situacia an o pire thema e Romencar ka keren pe diskusie bašo andrune interesia an o IRU an o buteder segmentia.
Ko jekh importantno si te akcentirinel pe kote an i akaja Patlamentarno IRU sesia poro than sar misafiria ka len pobuter govermenteskere thaj institucionalno membria tari Croacia sar so si o vicepresidento e Croaciakere Govermenteske Furio Radin, Alen Tahir , taro Ofiso manušikane niamenge thaj nacionalno minjoriteto ani Croacia, Saborsko membro e Romenge Veljko kajtazo, dizjakoro šerutno e dizjake Pula thaj aver membria taro Romano NGO thaj biznis sektori.
- Details
Ikeribaja o Jekhto Lumiakoro Kongreso an o 1971 berš ko Opringon - London (Britania) kote kotorvale sine finansirime taro Lumiakoro Konsilo taro khangira thaj o Governo taro India, sine starti taro funkcioniripa e Internacionalno Romane Uniake - IRU.
Ki odoja čipota than lele 23 delegatora taro 9 thema teganutni (Čehoslovakia, Finska Norvegia, Francia, Bari Britania, Germania, Ungaria, Irska, Špania thaj Jugoslavia) thaj sar opservatoria tari Belgia, Kanada, India thaj USA.
Ko adav Jekhto Kongreso taro IRU sine formirime thaj Komisia thaj telikomisia so ka oven aktivno an i Sociala, Edukacia, Soldatongere teroria, čhib thaj kultura.
- Details
Respektirime Roma thaj amalalen
Avdive kana notirina 47 berša taro fundiriba vash o Romano identiteto an o internacionalno nivelo a ko jekh oficialno notacia e romane flagoske, himna, kamav te prezentirinav miri percepcia a ko jekh thaj i percepcia taro IRU so si fundamento organizacia , inicijatori thaj šerutno protagonisti an i notacia akale importantno diveseske e Romane naciake an i sasti lumia, kote buteder aver romane organizacie , intelektualcia , romane politikane subjektoa mangipaja jali ingnoratno te eliminirinel o fakti vash o realiteto amare organizaciake i Internacionalno Romani Unia - IRU.
- Details
I Internacionalno Konferencia e Romane džuvljake , IRU - Džuvljano lobi an o Stokholm , Švedia ikergja pe an o 22 Mart akava berš. Oj ikergja pe an o Scandic Gotel - Tjobi .
Kerel pe aktiviteto te vazdel pe o Romano džuvljakoro pučiba an o Pervazia e IRU-ske thaj buvleste.
An o pervazia pire aktiviteteske pire diskusie thaj organizaciakiri šema an o IRU Džuvljano lobi . Odothe than lele: Rosita Gronfors, Ann-Margrethe Livh, Miranda Vuolasranta , Sissela Nordling Blanco, Angelina DimiterTaikon, Diana Nyman, Mia Taikon, Sunita Memetovic, Barvul Sonja, Kristinela, Domino Kai thaj avera.
- Details
O Unime Nacie ko avutno masek ka kerel verifikacia bašo membripa e Internacionalno Romani Unia - IRU thaj so ka del pe lenge o ECOSOS numero
Akava kerel validnost kote o IRU ka iranel pe an o UN thaj si importantno elementi taro reanimacia taro IRU palo ikerdo 10-to Kongreso an o 2016 berš kote sine dendo sar prioritetno plano.
Ko nakhlo periodo but berša napalala kana o IRU an o 1979 berš sine membro an o UN numa nekobor berša palo odova našavgja odova statusi an o UN.