Olengoro stili bukjake si uže "parazitsko" bizo džiakanutno desavo dikhlo rezultato. Dikhibaja kaj si "fantomia" an o piro aktiviteto (fantomia soske khanči nane aktivno) mangipaja te keren autorpomocia "khuvena" bizi resarin thaj fakti te šaj oven salde šunde.
Odova si olengoro stili taro aktiviteto. Ola si agjaar salde sikle namangipaja thaj nakulturaja thaj narespekto taro individue thaj kelktivia. O stili taro akala "bare romane aktivistia" sako drom si isto. An o olengoro vokabulari majthanjardo lafi si " Me nadžanav, numa aver vakergja mange", " Me na dikhlem, ama aver sine odothe", " Me na šundem, ama aver vakerel odova" thaj etc.
But lokheste si te kerel lafi averskoro palal o dumo te kere barikade, te kerel konfuzie, numa te astarel pe manuš an o konkretno aktiviteto. Panda majlokheste vakerdo si asavko profilo manuša but si lačhe bašo aver hari majgogjaver "romane lideria" kote bašo odola so "havlajnena" posaven len sar Pit Bull te šaj tromale te havlajnen kobor so mangena , thaj palem an o agor te oven marginalizirime.
tegani kana odova so "havlajnela" ka dikhel kaj si salde marioneta , iranela pe premal plo " gazda - boss" thaj palem havlajnela, numa akana ki kontra rig - strana.
Asavke persone si anavkerde sar "Teledirigirime Pit Bull"
Bizi diferenca ko keriba konfuzie thaj intrige bizo argumento anglal i publika i Internacionalno Romani Unia thaj olakoro prezidento o Zoran Dimov thaj sa o aver membria thaj delegatora an o IRU keren saste buti te den pestar sa te agorkeren o dende obligacie thaj aktivitetia an i konekcia vash realizacia e dende planenge. Ko odova drumo o deš šefia e Komisienge hramosarde ple Startegiakere pervazia thaj programe 2016-2020.
Ko jekh hramosarde si panda trin programe sar so si Demokrtasko Tranzicia, Prorgama vash i Romani Džuvli thaj Tradicionalno Romano Kriso.
O IRU nadžanel te kerel hulavipa, o IRU kerel unipa, soske legarel o anav Internacionalno Romani Unia. O IRU nadžanel te havlajnel, o IRU kerel buti.
Ko avutno linko dikhe e Strategiakere pervazia thaj programe2016-2020 an o IRU